ماما قالت - نهاية الغرور - طيور الجنة - جاد واياد مقداد + كلمات
كلمات نهاية الغرور - ماما قالت - جاد واياد
مين بيحب القصص؟؟
نحنا وانتوا أكيد.. تعالوا نتجمع حتى نسمع من ماما كل جديد
كل مرة حكاية جديدة.. ما أحلاها ما أحلاها
بتسلينا وبتخلينا واللي بعدها بنستناها
مين بيحب القصص؟؟
نحنا وانتوا أكيد.. تعالوا نتجمع حتى نسمع من ماما كل جديد
كل مرة حكاية جديدة.. ما أحلاها ما أحلاها
بتسلينا وبتخلينا واللي بعدها بنستناها
والقصة فيها عبرة .. نستفيدها كل مرة
والشاطر اللي استفاد من القصة جوا الفكرة
والقصة فيها عبرة .. نستفيدها كل مرة
والشاطر اللي استفاد .. من القصة جوا الفكرة
من حلاتها الحكايات .. حتى لو شوي طالت
معاها بننسى الأوقات .. بنحسها بسرعة انقالت
كان ياما كان .. اسمعوا يا خلان
ماما قالت
كان يا مكان في قديم الزمان
كان في الأسد ملك الغابة وبعوضة
هقولكم شو قصتهم هدول الأسد والبعوضة
هذا في يوم من أيام الصيف كان شوب كتير عالي حرارة وكتير شوب
والأسد كتير بيتقلب وهوا نايم ومش قادر ينام من الشوب والحر الشديد
اتطلع وقال انا لازم انام عند البحيرة عشان في هواء جميل وعليل وبارد
تحرك الأسد ووصل للبحيرة ولسه بده يدعس على العشب بخطوة أخيرة
سمع شيء بيقوله هاي انت شو، مش شايف قدامك ؟؟
اتطلع الأسد قدامه وقعد يدور لقى بعوضه صغيرة على الأرض وقالها ايش انتي
أنا الأسد ملك الغابة بدعس وين ما بدي وبمشي وين ما بدي
قالت له البعوضه مش على كيفك في ناس تانين عايشين معك في الغابة
ملك الغابة لازم تكون حريص على الباقيين اللي عايشين معك بالغابة
ما تأذي حدا وتكون حريص على أمان الناس وتحرص على راحتهم
قال الأسد ايه علينا حلي عنا انتي جاية تعطيني دروس بالليل؟؟؟
انا بدي أجي أنام وبدي أنام مكان ما بدي
قالت له ما بتصير تنام هون .. هذا مكاني
قالها أنتي حشرة صغيرة ها القده بدك تتفلسفي علي .. امشي امشي روحي روحي من هون
قالتله هلأ بأذيك .. قالها انتي الحشرة الصغيرة بدك تأذيني أنا الأسد ملك الغابة ؟!!
قالت له أه طبعا بأذيك وهلق بتشوف اذا مو مصدق
قالها ايش قصدك ؟؟ بدك نعمل أنا وياكي نزال ؟؟ بدك تتحديني؟
قالت له اه بتحداك ..
قالها تعالي اتفضلي
قالت له بس بشرط .. اذا أنا فزت عليك بصير أنا ملكة الغابة مو انت
اطلع الأسد هيك وقال يعني حشرة زيها بدها تفوز علي!!
كل الموضوع خسران هيا أكيد اللي خسرانه مو أنا واضحه الأمور أنا الأسد ملك الغابة
قالها تعالي أنا بتحداكي
وصال يهوش عليها وهيا تطير ويحاول يضربها وهيا تطير
لحد ما شو عملت البعوضه اللئيمة.. لحد مدخلت في أنف الأسد لحد مجننت الأسد وزهقته وقعد يطلب منها تخرج من أنفه
قالت البعوضه له ما بطلع لحد متستسلم وبصير أنا ملكة الغابة مو انت
قعد الأسد يعاند لحد مزهق وتعب واستسلم للبعوضة ووافق وصارت البعوضة ملكة الغابة
وفرحت البعوضة وقالت أنا هلق ملكة الغابة
والأسد حمل حالة بأحزانة وخسارته وجر حالة جر على الغابة ورجع
والبعوضة صارت ترقص وتغني وتطير لفوق ولفوق وتقول أنا ملكة الغابة لحد ما غرورها لزقها في شبكة العنكبوت
وتحاول تخرج من شبكة العنكبوت ومعرفتش واتلزقت فيها أكتر وأكتر واجى العنكبوت أكلها
وهذا كان نتيجة غرورها انها صدقت حالها انها ملكة الغابة وما في حدا قدها
وماتت البعوضة ورجع الأسد ملك الغابة
واللي قتل البعوضة غرورها
عشان هيك الواحد لازم يظل متواضع ويحب الناس ويحب الخير للناس وكل واحد يعرف مقامة ولا يتعدى على مقام غيره
وتوته توته خلصت الحدوته